عين ع الإعلام

11:10 مساءً EET

بالفيديو.. الرئيس السيسي: الأولوية للتعامل مع التعديات على جزر النيل‎

طالب الرئيس عبد الفتاح السيسي الحكومة بضرورة التعامل مع التعديات على جزر النيل قائلا «لن نسمح بأن يكون هناك تعدي على حرم ترعة، أو مصرف، أو نهر النيل، دا كلام مش مظبوط ونبقى إحنا بنقول خايفين على النيل بتاعنا واحنا بنرمي الصرف عليه».

جاء ذلك في مؤتمر نتائج إزالة التعديات على أراضي الدولة الذي شهده الرئيس عبدالفتاح السيسي، اليوم الأربعاء، بحضور المهندس شريف إسماعيل، رئيس مجلس الوزراء، والفريق أول صدقى صبحي، وزير الدفاع والإنتاج الحربي، والفريق محمود حجازي، رئيس أركان القوات المسلحة، وعدد من الوزراء والمسؤولين بالدولة.

وتابع السيسي «هناك جزر موجودة في النيل، طبقا للقانون مفروض إنه ميبقاش حد موجود عليها، سواء هذه الجزر محميات، أو غير مسموح يبقى حد موجود عليها».

وأضاف السيسي «هناك جزيرة موجودة في النيل مساحتها أكثر من 1250 فدان، لن اذكر أسمها، وبدأت العشوائيات تكون موجودة بداخلها، والناس بتبني وضع يد عليها، فلو لدينا 50 ألف بيت هنا، هيصرفوا فين على نهر النيل اللي بنشرب فيه، وتقولي بعد كده اعمل لي محطات صرف ومعالجة، لا الكلام دا لازم ننتبه ليه كلنا، وعشان كده الجزر الموجودة دي لازم تاخد أولوية في التعامل معاها».

وتساءل السيسي «الجزر دي بتصرف فين في النيل، ما ينفعش، أنا بأقول الكلام ده عشان ممكن نبقى زعلانين قوي، ونقول طب الناس دي ومصروف كتيير قوي، صحيح مصروف كتيير بس مخالف، ولازم اننا منقبلش أبدا إنه عشان الموضوع دا مش مقبول التجاوز، دا حرام، اللي بيبني مقبرة على ارضه حرام.

التعليقات